Slaka av. Uppliv náttúruna í tínum egna tempo.
Vit bjóða tær at njóta friðin tætt við náttúruna. Lat skiftandi ljósið, skýggini og kyrra vatnið seta tempoið fyri veruna.
Við íblástri frá føroyskari byggisiðvenju eru Vatnahúsini fimtan træhús, savnað í trimum smáum bólkum — hvørt við sínum egna túni, har grannar hittast.
Heimligt og hugnaligt
Tá ið tit trína innum, varnast tit skjótt, at smátturnar eru nýmótans úr enda í annan. Opið er upp undir tróður, og dagsjósið floymir inn um høgu vindeyguni, haðani útsýnið út á Trælanípu breiðir seg út. Hvør smátta hevur allar nútímans hentleikar og er sera væl egnað til barnafamiljur.
Norðaru smátturnar eru nærindis innkoyruvegnum.
Mittastu smátturnar eru í felagstúninum.
Sunnaru smátturnar venda móti haganum.
Alt, tú hevur tørv á til eitt gott uppihald
Smátturnar eru væl innrættaðar og hava alt tað, tú hevur tørv á til eitt hugnaligt og avslappað uppihald.
- 2 sovikømur, 1 vesi og 1 brúsirúm
- Sovipláss til 6 gestir
- 60 m²
- Sovikamar 1: 1 dupultsong (queen-size)
- Sovikamar 2: 1 dupultsong (queen-size)
- Loft: 2 einkultseingir
- Ovnur, kókipláta og uppvaskimaskina
- Stórt køliskáp við frystara
- Elketil og breyðristari
- Kaffimaskina
- Køksamboð og borðbúnaður
- Serskilt vesi og brúsirúm
- Hárturkari
- Handklæði
- Sjampo og sápa
- Hiti
- Ókeypis Wi-Fi
- Parkering
- Terrassa
- 55" flatskíggjasjónvarp
- Borðspøl og pusl
- Roykfrítt
Miðvágur
Allar smátturnar hava útsýnið út á Trælanípu, og eitt hanagleiv er at spáka til matvøruhandlar.
Í Vágum yvirhøvur er nógv at síggja og fara til: Trøllkonufingur, Múlafoss, Drangarnar o.s.fr.
Smátturnar kunnu leigast alt árið.
Vert umsitur Vatnahúsini
Tað er føroyska felagið Vert, sum umsitur Vatnahúsini í Miðvági.
Sjálv verkætlanin er gjørd í samráð við Vága kommunu. Smátturnar eru bygdar við serligum tilfari, sum eitur CLT (Cross Laminated Timber), sum er bæði umhvørvisvinarligt og burðardygt. Endamálið var at gera so lítið inntriv í lendið sum gjørligt, m.a. við ongari spreinging. Tað serliga við smáttunum er, at tær kunnu takast burtur og verða fluttar, um tørvur verður á tí seinni. Tað er arkitekturin Mayfinn Norðoy, sum hevur sniðgivið smátturnar.
Vert er millum størstu veitarum av frítíðarbústøðum í Føroyum, og umsitur felagið í dag oman fyri 200 ognir kring landið.
